الصفحة الرئيسية › قضايا و حوادث

قضايا و حوادث شاهد عيان يخرج عن صمته ويكشف المستور الصادم بشأن كامل تفاصيل "فضيحة " قطار الضاحية الجنوبية

تداول نشطاء على مواقع التواصل الاجتماعي اليوم السبت 09 ديسمبر ،فيديو لأعوان مراقبة تابعين لشركة السكك الحديدية تورطوا في حادثة تعنيف أحد الركاب ،بسبب عدم حيازته على تذكرة.

وفي هذا الاطار تحدث شاهد عيان عن تفاصيل ما حدث وفق ما تداولته بعض الصفحات:

 8:45 نطلع في ترانً الضاحية الجنوبية من الزهرة في إتجاه حمام شط نطلع نلقى 4 أعوان مراقبة شادين رجل كبير شدينه تحت ارجلهم و هو يقلهم سيبوني وفما شوي كلام زايد من سيد هذا وقلوله توا في مركز نسيبوك ياخي في محطة الزهرة معهد يطلعوا 5 أعوان أخرين من مارقبين فيبالي بش يهبطوه..

ياخي وقفوه ودخلو فيه ضرب ياخي ووقفت نصور و رجل أخر حب يحز عليه دزوه وحبو حتى يضربوه ياخي قلهم راني شرطة (هو يكذب بش يسلكهاله ) ياخي قلوله أهبط معنا ومن كلمة كلمة دزوه..

ياخي جاء سيد بش يحز عليه زيد فرحو به وطيحوله سنيه وحلوله وجهه ياخي فاق بيا عون نصور جاء قلي فسخ لصورته .. ومعندكش حق تصور قتله عندي حق ونفهم كي رفضت دزني وشادلي يدي لين خذاه وقلي تو تهبط معايا للمركز وتفسخ كل شي بسيف عليك

وبعد جبت ستوش بش نهز رقم شكون ونشوف كيفه نكلمه ياخي ختفلي ستوش وهز برمي خاطر ملقاش بطاقة تعريف وقلي توا نعطيك خطية باهية ونهبتك للمركز توا تعرف كيفه ياخي قتلة هاني بش نفسخ خاطر أنا عارف بش يبقو في(iCloud ).

في حمام أنف بقوا مسكرين علينا باب لين جو شرطة هزونا للمركز و أعوان مرقبة ماجاء حد و فما شكون لعب فها دايخ وبيش إهزه لسبيطار وسيد لفمه محلول وسنونه طايحة وعيناه محلولة مشى للمركز عملوله محضر أما سيد ظهر مش من تونس و يسكن في برج سدرية ويخدم مرمة في رادس مليان وهو غلط صباح هبط في رادس كي عاود ركب باش يرجع لرادس مليان شدوه معندوش تسكرة قالوله بطاقة تعريف قلهم معنديش من كلمة كلمة بقو شادينه ياخي هو إنفعل شدوه تحت كرسي لين يوصلوا لبرج السدرية أما بعد طلعوا زميلهم فرحو بيه وصار لصار…

سيد هذا اعطوه إستدعى باش يمشي بيه للسبيطار بن عروس بيش اعدي ياخي حط إستدعى قدام مركز وروح ( خاطر معندوش فلوس بيش يمشي يعدي ويشكي)خلي ياخو حقو”